കൽപറ്റ: വയനാട് കള്ളാടിയിൽ തുരങ്കപാത നിർമാണ മേഖലയിൽ ഉണ്ടായ മണ്ണിടിച്ചിൽ ദുരന്തത്തിന്റെ പശ്ചാത്തലത്തിൽ തുരങ്കപാത പദ്ധതിയുടെ ഭാവി നിർണയിക്കാൻ വിദഗ്ധ സമിതിയുടെ റിപ്പോർട്ട് നിർണായകമാകും. റിപ്പോർട്ട് ലഭിക്കുന്നതുവരെ തുടർനടപടികളിൽ ജാഗ്രത പാലിക്കാനാണ് സർക്കാരിന്റെ തീരുമാനം. ശാസ്ത്രജ്ഞർ, ജിയോളജിസ്റ്റുകൾ, തുരങ്കപാത നിർമാണ വിദഗ്ധർ, ഭൂശാസ്ത്ര ഗവേഷകർ തുടങ്ങിയവരെ ഉൾപ്പെടുത്തിയാണ് വിദഗ്ധ സമിതി രൂപീകരിക്കുന്നത്. ദുരന്തത്തിന്റെ കാരണം, പ്രദേശത്തിന്റെ ഭൗമശാസ്ത്രപരമായ പ്രത്യേകതകൾ, നിർമാണ പ്രവർത്തനങ്ങളുടെ സുരക്ഷാ മാനദണ്ഡങ്ങൾ എന്നിവ സമിതി വിശദമായി പരിശോധിക്കും. റിപ്പോർട്ട് എത്രയും വേഗം സമർപ്പിക്കണമെന്ന് സമിതിയോട് […]
