അർജൻ്റീന ടീം മാർച്ചിൽ വരും; പ്രഖ്യാപനം ഉടനെന്ന് മന്ത്രി വി അബ്ദുറഹിമാന്
മലപ്പുറം: അര്ജന്റീന ടീം മാര്ച്ചില് കേരളത്തില് കളിക്കുമെന്ന് കായിക മന്ത്രി വി അബ്ദുറഹിമാന്. മലപ്പുറത്ത് കായിക സെമിനാറിലായിരുന്നു മന്ത്രിയുടെ പ്രഖ്യാപനം. രണ്ടുദിവസം മുന്പ് അര്ജന്റീന ടീമിന്റെ മെയില് വന്നുവെന്നും മാര്ച്ചില് കേരളത്തില് കളിക്കുമെന്നും അതിന്റെ പ്രഖ്യാപനം അടുത്ത ദിവസം ഉണ്ടാകുമെന്നും മന്ത്രി പറഞ്ഞു.
അര്ജന്റീന ടീമിനെ നവംബര് മാസത്തില് കൊണ്ടുവരാനായിരുന്നു പദ്ധതിയിട്ടത്. കൊച്ചിയിലെ സ്റ്റേഡിയത്തില് കളി നടത്താനായിരുന്നു തീരുമനം. എന്നാല് സ്റ്റേഡിയത്തിലെ ചില അസൗകര്യങ്ങള് തടസ്സമാവുകയും ഇപ്പോ അത് എല്ലാം പൂര്ത്തിയായെങ്കിലും സ്റ്റേഡിയത്തിനുള്ള അംഗീകാരം ലഭ്യമാകത്തതുകൊണ്ടാണ് കളി നവംബറില് നടക്കാതെ പോയതെന്നും മന്ത്രി വ്യക്തമാക്കി.
അതേസമയം , കൊച്ചിയിൽ മെസിയുടെ ഫുട്ബോൾ കളി കാണാൻ കത്തിക്കയറുന്ന ടിക്കറ്റ് ചാർജുകളാണ് പ്രഖ്യാപിച്ചിരുന്നത്. വിവിഐപി ടിക്കറ്റിന് 50 ലക്ഷം രൂപ. മൂന്ന് പേരടങ്ങുന്ന വിവിഐപി പാക്കേജിന് ഒരു കോടി. ടിക്കറ്റ് വില 5,000 മുതൽ 50 ലക്ഷം വരെയെന്നും റിപ്പോർട്ടുകൾ വന്നിരുന്നു.