ആര്‍ട്ടെമിസ് II ദൗത്യത്തിന്റെ ഭാഗമാകാൻ പൊതുജനങ്ങൾക്ക് അവസരമൊരുക്കി നാസ
വാഷിങ്ടണ്‍: 2026ല്‍ വിക്ഷേപിക്കാന്‍ ഒരുങ്ങുന്ന ആര്‍ട്ടെമിസ് II ദൗത്യത്തിന്റെ ഭാഗമാവാൻ അവസരമൊരുക്കി അമേരിക്കന്‍ ബഹിരാകാശ ഏജന്‍സിയായ നാസ. ചന്ദ്രനിലേക്കുള്ള യാത്രയില്‍ പൊതുജനങ്ങളെ പ്രതീകാത്മകമായി പങ്കെടുപ്പിക്കാനാണ് നാസ ഒരുങ്ങുന്നത്. ഓറിയോണ്‍ ബഹിരാകാശ പേടകത്തില്‍ ചന്ദ്രനെ വലംവെയ്ക്കാൻ ആഗ്രഹിക്കുന്നവർക്ക് ഇപ്പോള്‍ പേരുകള്‍ സമര്‍പ്പിക്കാം. ‘ആര്‍ട്ടെമിസ് II ചന്ദ്രനിലേക്ക് പോകുമ്പോൾ കൂടെ , നിങ്ങളുടെ പേരിനും പോകാം. ആര്‍ട്ടെമിസ് II ചരിത്രപരമായ നാഴികക്കല്ലായിരിക്കും’ നാസ പറയുന്നു.
ഈ യാത്രയില്‍ ലോകമെമ്പാടുമുള്ള പൗരന്മാര്‍ക്ക് . ലഭിക്കുന്ന ഓരോ പേരും ഒരു ഡിജിറ്റല്‍ മെമ്മറി കാര്‍ഡില്‍ സൂക്ഷിക്കുകയും ദൗത്യസമയത്ത് ഓറിയോണ്‍ പേടകത്തിനുള്ളില്‍ വെക്കുകയും ചെയ്യും. ഇത്തരത്തിൽ പ്രതീകാത്മകമായി പങ്കെടുക്കാന്‍ ഇതിലൂടെ അവസരം ലഭിക്കും. കൂടാതെ ആര്‍ട്ടെമിസിലെ അന്താരാഷ്ട്ര പങ്കാളിത്തത്തിന്റെ ഡിജിറ്റല്‍ രേഖയായി ഈ പേരുകള്‍ സൂക്ഷിക്കപ്പെടും.
ആര്‍ട്ടെമിസ് ദൗത്യങ്ങളിലെ മനുഷ്യരെ വഹിച്ചുകൊണ്ടുള്ള ആദ്യ യാത്രയാണ്. നാസയുടെ റീഡ് വൈസ്മാന്‍, വിക്ടര്‍ ഗ്ലോവര്‍, ക്രിസ്റ്റീന കോക്ക് എന്നിവരും കനേഡിയന്‍ സ്പേസ് ഏജന്‍സിയുടെ (CSA) ജെറമി ഹാന്‍സണും അടങ്ങുന്ന നാല് ബഹിരാകാശയാത്രികര്‍, സ്പേസ് ലോഞ്ച് സിസ്റ്റം (SLS) റോക്കറ്റില്‍ യാത്ര ചെയ്യുന്ന ആദ്യത്തെ മനുഷ്യരാകും