ഏഷ്യാ കപ്പ് ടി-20 ടൂര്‍ണമെന്റിന് ഇന്ന് തുടക്കമായി; ഇന്ത്യ ആദ്യ മത്സരത്തിനായി നാളെ ഗ്രൗണ്ടിലിറങ്ങും
ദുബായ്: ടി-20 ഏഷ്യാകപ്പ് ടൂര്‍ണമെന്റിന് ഇന്ന് ദുബായ് രാജ്യാന്തര സ്റ്റേഡിയത്തില് തുടക്കം. ഏഷ്യയിലെ എട്ടു ടീമുകളാണ് രണ്ടു ഗ്രൂപ്പുകളായി മത്സരിക്കുന്നത്. ഇന്ത്യ, പാകിസ്ഥാന്‍, ഒമാന്‍, യുഎഇ എന്നിവ ഗ്രൂപ്പ് എയിലും, ശ്രീലങ്ക, അഫ്ഗാനിസ്ഥാന്‍, ബംഗ്ലാദേശ്, ഹോങ്കോങ് എന്നീ രാജ്യങ്ങള്‍ ബി ഗ്രൂപ്പിലുമാണുള്ളത്. അബുദാബി ഷെയ്ഖ് സാദിഖ് സ്റ്റേഡിയത്തില് ഇന്ത്യന്‍ സമയം രാത്രി എട്ടിനാണ് മത്സരം. നിലവിലെ ചാംപ്യന്മാരായ ഇന്ത്യയുടെ ആദ്യ മത്സരം നാളെയാണ് നടക്കുന്നത്. ദുബായ് രാജ്യാന്തര സ്റ്റേഡിയത്തില് നടക്കുന്ന മത്സരത്തില്‍ യുഎഇയാണ് എതിരാളികള്‍. ടൂര്‍ണമെന്‌റിലെ ഇന്ത്യ- പാകിസ്ഥാന്‍ പോരാട്ടം ഈ മാസം 14 ന് നടക്കും. ഗ്രൂപ്പ് ഘട്ടത്തിനുശേഷം രണ്ടു ഗ്രൂപ്പുകളിലെയും ആദ്യ രണ്ട് സ്ഥാനക്കാര്‍ സൂപ്പര്‍ ഫോര്‍ റൗണ്ടിലായിരിക്കും മത്സരിക്കുക. ഇതില്‍ നിന്നും ആദ്യ രണ്ടു സ്ഥാനത്തെത്തുന്ന ടീമുകള്‍ 28 ന് ഫൈനലില്‍ ഏറ്റുമുട്ടും. സോണി ടെന്‍ ചാനലുകളിലും സോണി ലിവ് ആപ്പിലും തത്സമയം കാണാം.