കുവൈത്തിൽ മനുഷ്യക്കടത്ത്: 29 സ്ത്രീകളെ രക്ഷപ്പെടുത്തി കുവൈത്ത് പൊലീസ്

കുവൈത്ത് സിറ്റി: കുവൈത്തിൽ മനുഷ്യക്കടത്ത് സംഘത്തെ പിടികൂടി, ഫ​ഹാ​ഹീ​ലി​ൽ പ്രവർത്തിച്ചിരുന്ന റി​ക്രൂ​ട്ട്‌​മെ​ന്റ് ഓ​ഫി​സി​ൽ നടത്തിയ പരിശോധനയിലാണ് സംഘത്തെ കസ്റ്റഡിയിലെടുത്തത്. നിയമ വിരുദ്ധമായി വിസ വിൽക്കുകയും ഗാ​ർ​ഹി​ക ജോലികൾക്കായി തൊഴിലാളികളെ സംഘം കൈമാറ്റം ചെയ്തിരുന്നതായി പൊലീസ് അറിയിച്ചു.

വിസ ഫീസായി 120 ദി​നാ​ർ ഈ​ടാ​ക്കി​യാണ് തൊഴിലാളികളെ ഇവിടെ എത്തിച്ചത്. അതിന് ശേഷം 1,100 ദി​നാ​ർ മു​ത​ൽ 1,300 ദി​നാ​ർ വ​രെ​യു​ള്ള തു​ക നൽകിയാണ് ഇവർ തൊഴിലാളികളെ മറ്റുള്ളവർക്ക് കൈമാറിയിരുന്നത്. ഇവരുടെ സംഘത്തിൽ അകപ്പെട്ട ഏ​ഷ്യ​ൻ വം​ശ​ജ​രാ​യ 29 സ്ത്രീ ​തൊ​ഴി​ലാ​ളി​ക​ളെയും കണ്ടെത്തി. ഓ​ഫി​സ് മാനേജർമാർ വളരെ മോശമായി പെരുമാറി എന്നും വിവിധ ജോലിക്കൾക്കായി നിർബന്ധിച്ച് അയപ്പിച്ചതായും സ്ത്രീകൾ അധികൃതർക്ക് മൊഴി നൽകി. രക്ഷപെടുത്തിയവരെ സു​ര​ക്ഷി​ത​മാ​യ ഷെ​ൽ​ട്ട​റി​ലേ​ക്ക് മാ​റ്റി.മ​നു​ഷ്യ​ക്ക​ട​ത്ത്, വിസ നിയമലംഘനം എ​ന്നീ കു​റ്റ​ങ്ങ​ൾ ചു​മ​ത്തി​ പ്ര​തി​ക​ളെ പ​ബ്ലി​ക് പ്രോ​സി​ക്യൂ​ഷ​ന് കൈ​മാ​റി.