20.9 കോടി വർഷം പഴക്കമുള്ള ഫോസിലുകൾ കണ്ടെത്തി

ദിനോസറുകളുടെ തുടക്കകാലത്ത് ജീവിച്ചിരുന്നുവെന്നു കരുതപ്പെടുന്ന പെട്രോസോറുകളുടെ 20.9 കോടി വർഷം പഴക്കമുള്ള ഫോസിലുകൾ കണ്ടെത്തി. നോർത്ത് അമേരിക്കയിലെ പെട്രിഫൈഡ് ഫോറസ്റ്റ് നാഷനൽ പാർക്കിലാണ് ‘പറക്കുന്ന മുതലകൾ’ എന്നു വിശേഷിപ്പിക്കപ്പെട്ടിരുന്ന ജീവികളുടെ ഫോസിലുകൾ കണ്ടെത്തിയത്.

കടൽകാക്കയുടെ വലിപ്പമുണ്ടായിരുന്നുവെന്നു കരുതുന്ന ഇവ നദികളിൽ മത്സ്യങ്ങളെയും മറ്റും ആഹാരമാക്കി ജീവിച്ചിരുന്നവയാണ് എന്നാണ് അനുമാനം. ഫോസിലുകളുടെ സംരക്ഷിത കേന്ദ്രമെന്ന നിലയിൽ പ്രശസ്തമായ പെട്രിഫൈഡ് ഫോറസ്റ്റ് നാഷനൽ പാർക്ക്. പെട്രോസോറുകളുടെ ഫോസിലുകൾ ഇവിടെ കണ്ടെത്തുമെന്ന് ശാസ്ത്രജ്ഞർ കരുതിയിരുന്നില്ല.

ഇതുവരെ കേട്ടിട്ടില്ലാത്ത മറ്റ് 7 ജീവികളുടെ ഫോസിലുകൾ കൂടി കണ്ടെത്തിയിട്ടുണ്ട്.