ബ്രിക്‌സ് രാജ്യങ്ങൾ ഉൾപ്പെടെ നിരവധി രാജ്യങ്ങൾക്കുമേൽ 10% അധിക തീരുവ: ട്രംപിന്റെ പ്രഖ്യാപനം
ബ്രിക്‌സ് രാജ്യങ്ങൾക്കും (ഇന്ത്യ ഉൾപ്പെടെ) ഉൾപ്പെടെയുള്ള നിരവധി രാജ്യങ്ങൾക്കുമേൽ 10 ശതമാനം അധിക തീരുവ ഏർപ്പെടുത്തുന്നതായി അമേരിക്കൻ മുൻ പ്രസിഡന്റ് ഡോണൾഡ് ട്രംപ്. ബ്രിക്‌സ് എന്ന സംഘടന രൂപംകൊണ്ടത് അമേരിക്കയ്ക്ക് പ്രതിസന്ധിയുണ്ടാക്കാനും ഡോളറിന്റെ ആധിപത്യം തളർത്താനുമാണെന്ന് ആരോപിച്ച് ട്രംപ്, വാഷിങ്ടണിലെ വൈറ്റ് ഹൗസിൽ മാധ്യമങ്ങളോട് സംസാരിക്കവേ ഇത് വ്യക്തമാക്കി.
ട്രംപിന്റെ ട്രൂത്ത് സോഷ്യൽ പ്ലാറ്റ്‌ഫോമിലൂടെ നേരത്തെ പങ്കുവെച്ച കത്തിൽ, ജപ്പാൻ, ദക്ഷിണ കൊറിയ, മ്യാൻമർ, ലാവോസ്, തായ്‌ലൻഡ്, ദക്ഷിണാഫ്രിക്ക, ബംഗ്ലാദേശ്, കസാക്കിസ്ഥാൻ, ഇന്തോനേഷ്യ, ടുണീഷ്യ, മലേഷ്യ, സെർബിയ, കംബോഡിയ, ബോസ്നിയ & ഹെർസഗോവിന എന്നിവയ്‌ക്കെതിരെയും ഉയർന്ന താരിഫ് നിരക്കുകൾ ചുമത്തുമെന്ന് മുന്നറിയിപ്പ് നൽകിയിരുന്നു.
ഈ മുന്നറിയിപ്പിന്റെ പശ്ചാത്തലത്തിലാണ് ബ്രിക്‌സ് രാജ്യങ്ങൾക്കുമേൽ 10% അധിക തീരുവ നിലവിൽ വരുമെന്ന് ട്രംപ് ഔദ്യോഗികമായി പ്രഖ്യാപിച്ചത്. പുതിയ തീരുവ ഓഗസ്റ്റ് ഒന്നുമുതൽ പ്രാബല്യത്തിൽ വരും.
ഓഗസ്റ്റ് ഒന്നിന് മുമ്പായി അമേരിക്കയുമായി പുതിയ വ്യാപാര കരാർ ഒപ്പുവച്ചില്ലെങ്കിൽ, ഈ അധിക തീരുവകൾ കൃത്യമായി നടപ്പാക്കുമെന്ന് യുഎസ് മുൻകൂർ അറിയിപ്പ് നൽകിയതായും ട്രംപ് വ്യക്തമാക്കി. ലാവോസ്, മ്യാൻമർ തുടങ്ങിയ ചില രാജ്യങ്ങൾക്ക് 40% വരെ തീരുവ ഉയർത്താൻ സാധ്യതയുണ്ടെന്ന് ട്രംപ് കത്തിൽ സൂചിപ്പിച്ചു.
ഇന്ത്യയുമായി പുതിയ വ്യാപാര കരാർ സംബന്ധിച്ചുള്ള ചര്‍ച്ചകൾ പുരോഗമിക്കുകയാണ് എന്നും ബ്രിട്ടനും ചൈനയും ഇതിനകം തന്നെ യുഎസുമായുള്ള കരാറുകൾ ഒപ്പുവച്ചതായി ട്രംപ് വ്യക്തമാക്കി. ചർച്ചയിൽ താൽപ്പര്യം കാണിക്കാത്ത രാജ്യങ്ങളാണ് മുന്നറിയിപ്പ് കത്തുകൾക്ക് ഇരയായതെന്നും, ചര്‍ച്ചയുടെ പുരോഗതി അനുസരിച്ച് തീരുവ നിലയിൽ മാറ്റം സാധ്യതയുണ്ടെന്നും അദ്ദേഹം വ്യക്തമാക്കി.
Tag:Trump announces 10% additional tariff on several countries, including BRICS countries