കോണ്‍ഗ്രസ് നേതാക്കള്‍ ബിജെപിയിലേക്ക് പോകുന്നതില്‍ അദ്ഭുതമില്ല; എ വിജയരാഘവന്‍
തിരുവനന്തപുരം: കോണ്‍ഗ്രസ് നേതാക്കള്‍ ബിജെപിയിലേക്ക് പോകുന്നതില്‍ അദ്ഭുതമൊന്നുമില്ലെന്ന് സിപിഐഎം പോളിറ്റ് ബ്യൂറോ അംഗം എ വിജയരാഘവന്‍. കേരളത്തിലെ മുതിര്‍ന്ന കോണ്‍ഗ്രസ് എംപി ബിജെപിയില്‍ ചേരാന്‍ പോകുന്നുയെന്ന തരത്തിലുള്ള വാര്‍ത്തക്കുപിന്നാലെയാണ് എ വിജയരാഘവന്റെ പ്രതികരണം. കോണ്‍ഗ്രസ്സ് നേതാവ് പാര്‍ട്ടിയില്‍ ചേര്‍ന്നാല്‍ നിയമസഭ തെരഞ്ഞെടുപ്പില്‍ പാര്‍ട്ടിക്ക് ഗുണം ചെയ്യുമെന്ന വിലയിരുത്തലില്‍ ആണ് ബിജെപി. ഇതിന് മുന്‍പും നിരവധി കോണ്‍ഗ്രസ്സ് നേതാക്കള്‍ ബിജെപിയിലേക്ക് പോയിട്ടുണ്ട്. കരുണാകരന്റെ വീട്ടില്‍ വരെ ആര്‍എസ്എസ്സുകാര്‍ കയറി,പത്മജ വേണുഗോപാല്‍ തിരഞ്ഞെടുപ്പിന് തൊട്ട് മുന്‍പ് ബിജെപിയില്‍ പോയില്ലേ. സിപിഐഎം വര്‍ഗ്ഗീയ ശക്തികളുമായി ഒരിക്കലും സന്ധി ചെയ്യില്ലെന്നും എ വിജയരാഘവന്‍.