ഒളിമ്പിക് ഗുസ്തി താരം വിനേഷ് ഫോഗട്ട് ഹരിയാന നിയമസഭാ തെരെഞ്ഞെടുപ്പിൽ കോൺഗ്രസ് മത്സരാർത്ഥി

ഹരിയാന നിയമസഭാ തെരെഞ്ഞെടുപ്പിൽ കോൺഗ്രസ് മത്സരാർത്ഥിയായി ഒളിമ്പിക് ഗുസ്തി താരം വിനേഷ് ഫോഗട്ട് എത്തിയതോടെ മത്സരം ഇനി തീപാറുമെന്നു ഉറപ്പായി കഴിഞ്ഞു. ബി ജെ പിക്കുള്ള തിരിച്ചടിയാണ് വിനേഷ് ഫോഗട്ടിന്റെ രാഷ്ട്രീയ പ്രവേശനം. ഗുസ്തി ഫെഡറേഷൻ പ്രസിഡന്റായിരുന്ന ബ്രിജ് ഭൂഷൺ ശരൺ സിങ്ങിനതിരെ പ്രതിഷേധിച്ച ഗുസ്തി താരങ്ങളോടു ബിജെപി കാണിച്ച അനീതി വലിയ ചർച്ചയായിരുന്നു. അതിനുള്ള ഒരു തിരിച്ചടി തന്നെയാണ് വിനീഷിന്റെ കോൺഗ്രെസിലേക്കുള്ള പ്രവേശനം. തങ്ങൾ തെരുവിൽ വലിച്ചിഴയ്ക്കപ്പെട്ടപ്പോൾ ബി.ജെ.പി. ഒഴികെയുള്ള എല്ലാ പാർട്ടികളും പിന്തുണയുമായി എത്തിയെന്നും തങ്ങളുടെ വേദനയും കണ്ണുനീരും മനസിലാക്കാൻ മറ്റുള്ളവർക് സാധിച്ചിരുന്നുവെന്നും വിനേഷ് പറഞ്ഞിരുന്നു. കഴിഞ്ഞ ദിവസമാണ് ഗുസ്തിതാരങ്ങളായ വിനേഷ് ഫോഗട്ടും ബജ്‌രംഗ് പുനിയയും കോൺഗ്രസിൽ ചേർന്നത്. റെയിൽവേയിൽനിന്ന് രാജിവെച്ചശേഷമാണ് ഇരുവരും കോൺഗ്രസിൽ ചേർന്നത്.