പാലക്കാട്ടെ ഉപതിരഞ്ഞെടുപ്പ് തിയ്യതി മാറ്റി; 20 ന് വോട്ടെടുപ്പ്

പാലക്കാട്: പാലക്കാട് നിയമസഭാ മണ്ഡലത്തിലെ ഉപതിരഞ്ഞെടുപ്പ് മാറ്റി. കൽപ്പാത്തി രഥോത്സവം പരിഗണിച്ചാണ് തിരഞ്ഞെടുപ്പ് തിയതി മാറ്റിയത്. ഈ മാസം 20 നാണ് പാലക്കാട് തിരഞ്ഞെടുപ്പ് നടക്കുക. നേരത്തെ ഈ മാസം 13 ന് തിരഞ്ഞെടുപ്പ് നടത്താനായിരുന്നു തീരുമാനം.

തിരഞ്ഞെടുപ്പ് തിയതി പ്രഖ്യാപിച്ചതിന് പിന്നാലെ തന്നെ രാഷ്ട്രീയ പാർട്ടികൾ കൽപ്പാത്തി രഥോത്സവത്തിന്റെ കാര്യം ചൂണ്ടിക്കാട്ടിയിരുന്നു. ഇത് പരിഗണിച്ചാണ് തിരഞ്ഞെടുപ്പ് കമ്മീഷന്റെ തീരുമാനം. പാലക്കാട്ടിലെ പ്രധാന ആഘോഷപരിപാടികളിൽ ഒന്നാണ് കൽപ്പാത്തി രഥോത്സവം. അന്നേ ദിവസം പ്രാദേശിക അവധിയാണ്. ഈ ദിനത്തിൽ തിരഞ്ഞെടുപ്പ് നടക്കുന്ന ജനങ്ങൾക്ക് ബുദ്ധിമുട്ടുണ്ടാക്കുമെന്ന വിലയിരുത്തലിനെ തുടർന്നാണ് തിരഞ്ഞെടുപ്പ് തിയതി മാറ്റിയത്. അതേസമയം വോട്ടെണ്ണൽ തിയതിയിൽ മാറ്റമില്ല. 23 ന് തന്നെ വോട്ടെണ്ണൽ നടക്കുമെന്ന് തിരഞ്ഞെടുപ്പ് കമ്മീഷൻ അറിയിച്ചു.