രാജ്യത്തെ ജനങ്ങള്‍ക്ക് ബിജെപിയോടുള്ള ഭയം ഇല്ലാതായെന്ന് രാഹുല്‍ഗാന്ധി
രാജ്യത്തെ ജനങ്ങള്‍ക്ക് ബിജെപിയോടുള്ള ഭയം ഇല്ലാതായെന്ന് രാഹുല്‍ഗാന്ധി. ലോക്‌സഭാ തെരഞ്ഞെടുപ്പിന് ശേഷമാണ് ജനങ്ങള്‍ക്ക ബിജെപിയോടുള്ള ഭയം ഇല്ലാതെയായതെന്ന് രാഹുല്‍ഗാന്ധി യുഎസില്‍ പറഞ്ഞു.ആര്‍എസ്എസ് വിശ്വസിക്കുന്നത് ഇന്ത്യ ഒരു ആശയം മാത്രമാണെന്നാണ് എന്നാല്‍ തങ്ങള്‍ ഇന്ത്യയെ ആശയങ്ങളുടെ ബഹുസ്വരമായാണ് കാണുന്നതെന്ന് ടെക്‌സസിലെ ഡാലസില്‍ ഇന്ത്യന്‍ പ്രവാസികളെ അഭിസംബോധന ചെയ്ത് രാഹുല്‍ ഗാന്ധി പറഞ്ഞു. പ്രധാനമന്ത്രി നരേന്ദ്രമോദിക്കെതിരെയും ബിജെപിക്കും എതിരെ രാഹുല്‍ ഗാന്ധി വിമര്‍ശനം നടത്തി. ഇന്ത്യന്‍ ഭരണഘടനയെ പ്രധാനമന്ത്രി നരേന്ദ്രമോദി ആക്രമിക്കുകയാണെന്ന് ജനങ്ങള്‍ക്ക് ബോധ്യമായെന്നും രാഹുല്‍. എന്നാല്‍ രാഹുല്‍ ഗാന്ധിക്കെതിരെ പ്രതികരണവുമായി ബിജെപി കേന്ദ്രമന്ത്രി രംഗത്തെത്തി. രാഹുല്‍ ഗാന്ധി ശത്രുരാജ്യമായ ചൈനയെ പുകഴ്ത്തുകയാണെന്നും ബിജെപിയും ആരോപിച്ചു.