ന്യൂയോര്ക്ക് മേയറാകാനുള്ള ഡെമോക്രാറ്റുകളുടെ പ്രൈമറിയിൽ വിജയിച്ച ഇന്ത്യന് വംശജന് സൊഹ്റാന് മംദാനിയെ അധിക്ഷേപിച്ച് ട്രംപ്
ന്യൂയോര്ക്ക് മേയറാകാനുള്ള ഡെമോക്രാറ്റുകളുടെ പ്രൈമറിയിൽ വിജയിച്ച ഇന്ത്യന് വംശജന് സൊഹ്റാന് മംദാനിയെ അധിക്ഷേപിച്ച് അമേരിക്കന് പ്രസിഡന്റ് ഡോണള്ഡ് ട്രംപ്. ‘നൂറ് ശതമാനം കമ്മ്യൂണിസ്റ്റ് ഭ്രാന്തന്’ എന്നാണ് മംദാനിയെ ട്രംപ് വിശേഷിപ്പിച്ചത്. മംദാനിയെ പിന്തുണയ്ക്കുന്ന നേതാക്കളെയും ട്രംപ്രൂക്ഷമായ ഭാഷയിൽ വിമര്ശിച്ചു.
‘ഒടുവില് അത് സംഭവിച്ചു. ഡെമോക്രാറ്റുകള് പരിധി ലംഘിച്ചു. നൂറ് ശതമാനം കമ്മ്യൂണിസ്റ്റ് ഭ്രാന്തനായ സൊഹ്റാന് മംദാനി ന്യൂയോര്ക്ക് മേയര് പദവിയിലേക്ക് അടുക്കുകയാണ്. നേരത്തെ നമുക്ക് പുരോഗമന ഇടതുപക്ഷക്കാര് ഉണ്ടായിരുന്നു. എന്നാല്, ഇത് കുറച്ച് പരിഹാസ്യമാണ്’, ഡോണള്ഡ് ട്രംപ് കുറിച്ചു. അദ്ദേഹത്തെ കാണാന് ഭയാനകവും ശബ്ദം പരുക്കവുമാണ്. ബുദ്ധിമാനല്ല. മണ്ടന്മാരെല്ലാം അവനെ പിന്തുണയ്ക്കുന്നു. മഹാനായ പലസ്തീന് സെനറ്റര് ചക്ക് ഷൂമർ മംദാനിയെ വിനയത്തോടെയാണ് കാണുന്നത്. ഇത് നമ്മുടെ രാജ്യത്തിന്റെ ചരിത്രത്തിലെ വലിയ നിമിഷമാണെന്നും ട്രംപ് പറഞ്ഞു.
മേയര് തിരഞ്ഞെടുപ്പില് വിജയിച്ചാല് ന്യൂയോര്ക്കിന്റെ ആദ്യത്തെ മുസ്ലിം മേയറായിരിക്കും മംദാനി. ഇന്ത്യന് അമേരിക്കന് ചലച്ചിത്ര നിര്മ്മാതാവ് മീരാ നായരുടെയും ഉഗാണ്ടന് മാര്ക്സിസ്റ്റ് സ്കോളര് മഹമൂദ് മംദാനിയുടെ മകനുമായ 33 കാരന് മംദാനി ബോർ ഓഫ് ക്യൂൻസിനെ പ്രതിനിധീകരിക്കുന്ന ജനപ്രതിനിധിയാണ്. പലസ്തീന് അനുകൂല നിലപാട് സ്വീകരിച്ചതും ഇസ്രയേലിനെ വംശഹത്യയെന്ന പേരില് വിമര്ശിച്ചതും ഉള്പ്പെടെ മംദാനി സ്വീകരിച്ച നിലപാടുകളാണ് ട്രംപിനെ അലോസരപ്പെടുത്തുന്നത്.
Tag; Trump insults Indian-origin Sohran Mamdani, who won the Democratic primary for New York mayor