നടൻ ഉണ്ണി മുകുന്ദനും മാനേജർ വിപിൻകുമാറും തമ്മിലുള്ള പ്രശ്നപരിഹാര ചർച്ചയിലെ ധാരണ ലംഘിച്ചു; ഫെഫ്ക

നടൻ ഉണ്ണി മുകുന്ദനും മാനേജർ വിപിൻകുമാറും തമ്മിലുള്ള പ്രശ്നപരിഹാര ചർച്ചയിലെ ധാരണ ലംഘിച്ചുവെന്ന് ഫെഫ്ക. ഉണ്ണി മുകുന്ദനും വിപിനും തമ്മിലുള്ള തർക്കം ഫെഫ്ക ചർച്ചയിലൂടെ പരിഹരിച്ചിരുന്നു. ഇരുവരും തമ്മിലുള്ള പ്രശ്നം പരിഹരിച്ചതായി ജനറൽ സെക്രട്ടറി ബി. ഉണ്ണികൃഷ്ണൻ മാധ്യമങ്ങളെ അറിയിച്ചിരുന്നു. എന്നാൽ ഉണ്ണി മുകുന്ദൻ മാപ്പ് പറഞ്ഞതുകൊണ്ടാണ് പ്രശ്നം പരിഹരിക്കപ്പെട്ടതെന്ന് വിപിൻകുമാർ ഒരു ദൃശ്യമാധ്യമത്തിന് നൽകിയ അഭിമുഖത്തിൽ പറഞ്ഞു. എന്നാൽ ഈ അവകാശവാദം ശരിയല്ലെന്ന് പറഞ്ഞാണ് ഫെഫ്ക രംഗത്തെത്തിയത്.