ടെക്‌സസ് ദുരന്തം അതീവ ഭയാനകമെന്ന് അമേരിക്കൻ പ്രസിഡന്റ് ഡോണൾഡ് ട്രംപ്
അമേരിക്കയുടെ ടെക്‌സസ് സംസ്ഥാനത്തെ കെർ കൗണ്ടിയിൽ ഉണ്ടായ മിന്നൽ പ്രളയം അതീവ ഭയാനകമെന്ന് അമേരിക്കൻ പ്രസിഡന്റ് ഡോണൾഡ് ട്രംപ്. പ്രളയത്തിൽ ഉണ്ടായ നാശനഷ്ടങ്ങൾ നികത്തുന്നതിന് സർക്കാർ സഹായം ഉറപ്പാക്കിയതായും ട്രംപ് മാധ്യമങ്ങളോട് പറഞ്ഞു. ടെക്‌സസ് ഗവർണറുമായി നേരിട്ട് സംസാരിച്ചിട്ടുണ്ടെന്നും, എല്ലാ സഹായങ്ങളും നൽകുമെന്ന് അദ്ദേഹം പറഞ്ഞു.
അതേസമയം, അപകടത്തെതുടർന്നുള്ള മരണ സംഖ്യ 24 ആയി, നിരവധി പേരെ കാണാതാവുകയും ചെയ്തു. ടെക്സസിലെ വേനൽക്കാല ക്യാമ്പിലേക്കെത്തിയ 20 പെൺകുട്ടികൾ ഉൾപ്പെടെ നിരവധി പേരെ അപകടത്തെ തുടർന്ന് കാണാതായി. കാണാതായവർക്കായുള്ള തിരച്ചിൽ ശക്തമാക്കിയാണ് രക്ഷാപ്രവർത്തനം പുരോഗമിക്കുന്നത്.
Tag: US President Donald Trump says Texas disaster is “very, very terrible”