യുക്രൈനിലേക്കുള്ള ആയുധവിതരണം പുനരാരംഭിച്ച് അമേരിക്ക; ചിലവ് നാറ്റോ വഹിക്കും
യുക്രൈനിലേക്കുള്ള ആയുധവിതരണം പുനരാരംഭിച്ച് അമേരിക്ക. പേട്രിയറ്റ് വ്യോമപ്രതിരോധ സംവിധാനങ്ങളടക്കമുള്ള ആയുധങ്ങൾ യുക്രൈന് നൽകുമെന്ന് അമേരിക്കൻ പ്രസിഡന്റ് ഡോണൾഡ് ട്രംപ് വ്യക്തമാക്കി. ആയുധ വിതരണം തുടരുമെന്നും അതിന്റെ ചിലവ് നാറ്റോ തന്നെ വഹിക്കുമെന്നും ട്രംപ് വ്യക്തമാക്കി.
റഷ്യയുടെ ആക്രമണം ശക്തമായ പശ്ചാത്തലത്തിലാണ് അമേരിക്കയുടെ ഈ നീക്കം. റഷ്യയ്ക്ക് സ്വയം പ്രതിരോധം സാധ്യമായിരിക്കണം. ആയുധമുന്നേറ്റം തുടരുന്ന യുദ്ധത്തിൽ നിരവധി പേർ ദുരിതം അനുഭവിക്കുകയും മരണത്തിന് കീഴടങ്ങുകയും ചെയ്യുന്നതായും പ്രസിഡന്റ് പറഞ്ഞു. വൈറ്റ് ഹൗസിൽ മാധ്യമപ്രവർത്തകരോട് സംസാരിക്കുമ്പോഴായിരുന്നു ട്രംപിന്റെ പ്രതികരണം. റഷ്യൻ പ്രസിഡന്റ് വ്‌ളാഡിമിർ പുടിനിൽ തൃപ്തനല്ലെന്നും യുദ്ധം അവസാനിപ്പിക്കാൻ റഷ്യ തയ്യാറാകാത്തത് തന്റെ നിരാശയ്ക്ക് കാരണമാണെന്നും ട്രംപ് കൂട്ടിച്ചേർത്തു.
2022 ഫെബ്രുവരിയിലാണ് റഷ്യ-യുക്രൈൻ യുദ്ധം ആരംഭിച്ചത്. തുടക്കത്തിൽ തന്നെ യുഎസ് യുക്രൈനിന് വലിയ സാമ്പത്തിക സഹായവും സൈനിക സഹായവും നൽകിയിരുന്നു. അടുത്ത ആഴ്ച ട്രംപിന്റെ യുക്രൈൻ പ്രതിനിധി കെയ്ത്ത് കെല്ലോഗ് കീവിൽ എത്തും.
Tag: US resumes arms deliveries to Ukraine; NATO will bear the cost