ആരോഗ്യപ്രശ്നങ്ങള്‍ ചടയന്‍ ഗോവിന്ദന്‍ അനുസ്മരണത്തില്‍ പങ്കെടുക്കില്ല; ഇ.പി ജയരാജന്‍
തിരുവനന്തപുരം:ആരോഗ്യപ്രശ്നങ്ങളെ തുടര്‍ന്ന് ചടയന്‍ ഗോവിന്ദന്‍ അനുസ്മരണ പരിപാടിയില്‍ പങ്കെടുത്തില്ലെന്ന് അറിയിച്ച് സിപിഐഎം കേന്ദ്ര കമ്മിറ്റിയംഗം ഇ.പി ജയരാജന്‍. ആരോഗ്യപ്രശ്നങ്ങളാല്‍ ആയുര്‍വേദ ചികിത്സ നടക്കുന്നതായും ജയരാജന്‍ പാര്‍ട്ടിയെ അറിയിച്ചു.
എല്‍ഡിഎഫ് കണ്‍വീനര്‍ സ്ഥാനത്ത് നിന്ന് നീക്കിയ ശേഷം പാര്‍ട്ടിയോട് കടുത്ത അതൃപ്തിയിലാണ് ഇ.പി. സ്ഥാനത്തുനിന്ന് നീക്കിയശേഷം പാര്‍ട്ടി പരിപാടികളില്‍ പങ്കെടുക്കാനോ മാധ്യമപ്രവര്‍ത്തകരോട് പ്രതികരിക്കാനോ ഇ പി തയ്യാറായിട്ടില്ല. ആരോഗ്യപ്രശ്നങ്ങള്‍ ചൂണ്ടിക്കാട്ടി മാധ്യമപ്രവര്‍ത്തകരെ ഒഴിവാക്കിയതെന്നാണ് വിശദീകരണം. എന്നാല്‍ അനുസ്മരണ പരിപാടിയില്‍ പുഷ്പ്പാര്‍ച്ചനയില്‍ പങ്കെടുക്കുമെന്നായിരുന്നു ജില്ലാ കമ്മിറ്റിയുടെ പത്രകുറിപ്പുണ്ടായിരുന്നത്.