എസ്എസ്എൽസി, ഹയർ സെക്കൻഡറി പരീക്ഷാ തീയതികൾ പ്രഖ്യാപിച്ചു

തിരുവനന്തപുരം: സംസ്ഥാനത്തെ എസ്എസ്എൽസി, ഹയർ സെക്കൻഡറി പരീക്ഷാതീയതികൾ വിദ്യാഭ്യാസ മന്ത്രി വി. ശിവൻകുട്ടി പ്രഖ്യാപിച്ചു. സ്എസ്എൽസി പരീക്ഷ 2026 മാർച്ച് അഞ്ചിന് ആരംഭിക്കും. രാവിലെ 9.30ക്ക് പരീക്ഷ ആരംഭിക്കും. മൂല്യനിർണയം ഏപ്രിൽ ഏഴ് മുതൽ ആരംഭിക്കും. ഫലപ്രഖ്യാപനം മെയ് എട്ടിനെന്നും മന്ത്രി വി. ശിവൻകുട്ടി അറിയിച്ചു.

ഹയർ സെക്കൻഡറി ഒന്നാം വർഷ പരീക്ഷ മാർച്ച് 5 മുതൽ മാർച്ച് 27 വരെയും രണ്ടാം വർഷ പരീക്ഷ മാർച്ച് 6 മുതൽ 28 വരെയും നടക്കും. ഒന്നാംവർഷ പരീക്ഷ ഉച്ചയ്ക്ക് 1.30നും രണ്ടാം വർഷ പരീക്ഷ രാവിലെ 9.30 നും ആരംഭിക്കും. സംസ്ഥാനത്ത് 3000 പരീക്ഷ കേന്ദ്രങ്ങളിലാണ് പരീക്ഷ നടക്കുകയെന്നും മന്ത്രി വാർത്താസമ്മേളനത്തിൽ വ്യക്തമാക്കി.