നിലമ്പൂർ ഉപതിരഞ്ഞെടുപ്പ്; മൂന്ന് ദിവസത്തെ മണ്ഡല പര്യടനത്തിനായി മുഖ്യമന്ത്രി ഇന്ന് എത്തും

നിലമ്പൂർ ഉപതിരഞ്ഞെടുപ്പിന്റെ പ്രചാരണത്തിന് മുഖ്യമന്ത്രി പിണറായി വിജയൻ ഇന്ന് വീണ്ടുമെത്തും. ഏഴ് പഞ്ചായത്തുകളിലുമായി മുഖ്യമന്ത്രി മൂന്ന് ദിവസം പര്യടനം നടത്തും. ഇന്ന് വൈകിട്ട് 4ന് ചുങ്കത്തറയിലും 5 ന് മുത്തേടത്തുമാണ് മുഖ്യമന്ത്രിയെത്തുക.

കോൺഗ്രസ് നേതാവും വയനാട് എംപിയുമായ പ്രിയങ്കാ ഗാന്ധിയും ഇന്ന് നിലമ്പൂരിൽ എത്താനിരുന്നതാണ്. അഹമ്മദാബാദ് വിമാന ദുരന്തത്തെ തുടർന്ന് യാത്ര 15 ലേക്ക് മാറ്റി. പി വി അൻവറിനു വേണ്ടി 15 ന് മുൻ ക്രിക്കറ്റ് താരവും തൃണമൂൽ എംപിയുമായ യൂസഫ് പഠാനും എത്തും.

നിലമ്പൂർ ഉപതിരഞ്ഞെടുപ്പ് അവസാന ദിവസങ്ങളിലേക്ക് കടക്കുകയാണ്. അവസാന ലാപ്പിൽ പരമാവധി നേതാക്കളെ എത്തിക്കാനാണ് മുന്നണികളുടെ ശ്രമം. 15000 വോട്ടുകൾക്കു മുകളിൽ ഭൂരിപക്ഷം ഉണ്ടാകുമെന്ന് യുഡിഎഫ് കണക്കുകൂട്ടൽ. ബിജെപി കേന്ദ്ര മന്ത്രിമാരെ വരും ദിവസങ്ങളിൽ എത്തിക്കാൻ ശ്രമം നടത്തുമ്പോൾ പിവി അൻവർ ക്യാമ്പ് യൂസഫ് പത്താൻ്റെ വരവിൽ പ്രതീക്ഷയിലാണ്.