അഹമ്മദാബാദ് വിമാനാപകടം; എയർ ഇന്ത്യ വിമാനത്തിന്റെ അവശിഷ്ടം ഹോസ്റ്റലിന് മുകളിൽ നിന്ന് താഴെയിറക്കി

അഹമ്മദാബാദിൽ അപകടത്തിൽപ്പെട്ട വിമാനത്തിന്റെ അവശിഷ്ടം ഹോസ്റ്റലിന് മുകളിൽ നിന്ന് താഴെയിറക്കി. ക്രെയിൻ ഉപയോഗിച്ച് നാല് മണിക്കൂർ പരിശ്രമത്തിനൊടുവിലാണ് വിമാനത്തിന്റെ ഭാ​ഗങ്ങൾ താഴെയിറക്കിയത്. ബിജെ മെഡിക്കൽ കോളേജ് ഹോസ്റ്റലിന് മുകളിൽ ഇടിച്ചിറങ്ങിയ വിമാനം രണ്ടായി പിളർ‌ന്നു പോയിരുന്നു. ഇതാണ് ഇപ്പോൾ താഴെയിറക്കിയത്.

ഹോസ്റ്റലിന്റെ ഏറ്റവും മുകളിലത്തെ നിലയിലായിരുന്നു വിമാനത്തിന്റെ അവശിഷ്ടം തങ്ങിയിരുന്നത്. ഈ അവശിഷ്ടങ്ങളിൽ വിശദമായ പരിശോധന നടത്തും. . വിമാനത്തിന്റെ അവശിഷ്ടം അവിടെയിരുന്നാൽ ഹോസ്റ്റൽ പൂർണമായി ഇടിയാനുള്ള സാധ്യത മുന്നിൽ കണ്ടാണ് അവശിഷ്ടം നീക്കിയത്. വിമാന അപകടം അന്വേഷിക്കാന്‍ ഉന്നതാധികാര സമിതി രൂപീകരിച്ച് വ്യോമയാന മന്ത്രാലയം ഉത്തരവിറക്കി. കേന്ദ്ര ആഭ്യന്തര സെക്രട്ടറിയാണ് സമിതി തലവന്‍.