തിരുനെല്‍വേലില്‍ മൂന്ന് വയസുകാരനെ കൊലപ്പെടുത്തി; മൃതദേഹം വാഷിംഗ് മെഷീനില്‍
ദാരുണ സംഭവം അരങ്ങേറി തിരുനെല്‍വേലി. മൂന്ന് വയസുകാരനെ കൊലപ്പെടുത്തി മൃതദേഹം വാഷിംഗ് മെഷീനില്‍ ഒളിപ്പിച്ചു. തിരുനെല്‍വേലി സ്വദേശികളായ വിഘ്നേഷ് -രമ്യ ദമ്പതികളുടെ മകന്‍ സഞ്ജയാണ് അതിദാരുണമായി കൊല്ലപ്പെട്ടത്. അയല്‍ക്കാരിയായ തങ്കമ്മാളാണ് കുഞ്ഞിനെ കൊലപ്പെടുത്തിയത്. പ്രതിയെ പോലീസ് അറസ്റ്റ് ചെയ്തു. വീട്ടുമുറ്റത്ത് കളിച്ചുകൊണ്ടിരിക്കെ കുഞ്ഞിനെ കാണാതാകുകയായിരുന്നു തുടര്‍ന്നുനടത്തിയ പരിശോധനയില്‍ മൃതദേഹം കണ്ടെത്തിയത്. മൃതദേഹം ചാക്കില്‍ കെട്ടിയ നിലയില്‍ വാഷിംഗ് മെഷീനുള്ളിലായിരുന്നു. പരിശോധനക്കിടയില്‍ പ്രതി ഓടി രക്ഷപ്പെടാന്‍ ശ്രമിച്ചെങ്കിലും സംശയം തോന്നിയ പോലീസ് ഇവരുടെ വീട്ടില്‍ പരിശോധന നടത്തുകയായിരുന്നു. കൊലപാതകത്തിന്റെ കാരണം അന്വേഷിച്ചു വരുകയാണ് പൊലീസ്