പുതിയ വിമാന സർവ്വീസുമായി എയർ ഇന്ത്യ; തിരുവനന്തപുരത്തെയും കൊച്ചിയെയും ബന്ധിപ്പിക്കുന്ന സർവ്വീസ് നാളെ മുതൽ

തിരുവനന്തപുരം: പുതിയ സർവീസ് തുടങ്ങാൻ എയർ ഇന്ത്യ എക്സ്പ്രസ്സ്. തിരുവനന്തപുരത്ത് നിന്ന് കൊച്ചിയിലേക്കാണ് എയർ ഇന്ത്യ പുതിയ സർവീസ് തുടങ്ങുന്നത്. തിരുവനന്തപുരം-കൊച്ചി റൂട്ടിൽ ഇൻഡിഗോയുടെ പ്രതിദിന സർവീസിന് പുറമേയാണ് എയർ ഇന്ത്യ എക്സ്പ്രസ് പുതിയ സർവീസ് തുടങ്ങുന്നത്.

ശനിയാഴ്ച മുതലാണ് എയർ ഇന്ത്യ പുതിയ സർവീസ് തുടങ്ങുന്നത്. ചൊവ്വ, ശനി ദിവസങ്ങളിൽ രാവിലെ 7.15-ന് പുറപ്പെട്ട് 8:05-ന് വിമാനം കൊച്ചിയിലെത്തും. കൊച്ചിയിൽ നിന്ന് തിങ്കൾ, വെള്ളി ദിവസങ്ങളിൽ രാത്രി 11 മണിക്ക് പുറപ്പെട്ട് 11:50-ന് തിരുവനന്തപുരത്തെത്തും.