കാലിക്കറ്റ് സർവകലാശാല പാഠ്യവിഷയത്തിൽ ഇടം പിടിച്ച് വേടന്റെ പാട്ട്
കോഴിക്കോട്: കാലിക്കറ്റ് സർവകലാശാലയുടെ ബിഎ മലയാളം നാലാം സെമസ്റ്റർ പാഠ്യപദ്ധതിയിൽ, മൈക്കിൾ ജാക്സന്റെ ‘ദേ ഡോണ്ട് കെയർ എബൌട്ട്‌ അസ്’ (They Don’t Care About Us) പാട്ടും വേടന്റെ ‘ഭൂമി ഞാൻ വാഴുന്നിടം’ എന്ന പാട്ടും താരതമ്യ പഠനത്തിനായി ഉൾപ്പെടുത്തി.
അമേരിക്കൻ റാപ്പ് സംഗീതവും മലയാള റാപ്പ് സംഗീതവും താരതമ്യപ്പെടുത്തുന്നതാണ് ഈ പാഠത്തിന്റെ ലക്ഷ്യം. 1990-കളിൽ പ്രസിദ്ധമായ ‘ദേ ഡോണ്ട് കെയർ എബൌട്ട്‌ അസ്’ ജൂത വിരുദ്ധ ആരോപണങ്ങളെ എതിർത്തുകൊണ്ടുള്ളതാണ്. യുദ്ധം, പലായനം എന്ന വിഷയങ്ങൾ ഉന്നയിക്കുന്നതാണ് വേടന്റെ പാട്ട്. വീഡിയോ ലിങ്കുകളായിട്ടാണ് ഇവ ഉൾപ്പെടുത്തിയിരിക്കുന്നത്.