ശോഭാ സുരേന്ദ്രൻ അനുകൂലികൾ വച്ച ബോർഡ് കത്തിച്ചു
പാലക്കാട് ബിജെപിയുടെ മുതിര്ന്ന നേതാവ് ശോഭ സുരേന്ദ്രനെ അനുകൂലിച്ച് സ്ഥാപിച്ച ഫ്ലക്സ് ബോര്ഡ് കത്തിച്ച നിലയില്. പാലക്കാട് ബിജെപി സ്ഥാനാര്ത്ഥിയായി ശോഭ സുരേന്ദ്രനെ മത്സരിപ്പിക്കണമെന്ന ആവശ്യം ഒരു വിഭാഗം ശക്തമായി ഉയര്ത്തിയിരുന്നു. ഒരു ഘട്ടത്തില് ശോഭ മത്സരിക്കാനെത്തിയേക്കുമെന്ന റിപ്പോര്ട്ടുകളും ഉണ്ടായിരുന്നു.
ഇതിനിടെ ശോഭയെ അനുകൂലിച്ച് പാലക്കാട് നഗരസഭാ ഓഫീസിന് മുന്നില് സ്ഥാപിച്ച ഫ്ലക്സ് ബോര്ഡാണ് കത്തിച്ച നിലയില് കണ്ടെത്തിയത്. ശോഭാ സുരേന്ദ്രന് പാലക്കാട്ടെ കാവിക്കോട്ടയിലേക്ക് സ്വാഗതം എന്നെഴുതിയ ഫ്ലക്സ് ബോര്ഡാണ് കത്തിച്ചത്. സംഭവത്തെ തുടര്ന്ന് പൊലീസ് സ്ഥലത്തെത്തി പരിശോധന നടത്തി. ആസൂത്രിതമായി ഫ്ലക്സ് കത്തിച്ചതാണെന്നാണ് നിഗമനം.